entreprena projekto kiel balancilo

iomete fama serio de desegnoj prezentas entreprenan projekton kiel ĝardenan balancilon.  mendanto desegnas trisidilan balancilon, projektestro imagas ĝin pendanta de ambaŭ flankoj de la trunko, analizisto planas trasegadon de la trunko, kaj tiel plu... ĝis la fina konstato, ke la kliento kontentus pro livero de pneŭo pendanta de ŝnuro.

la ŝerco sufiĉe famas en komputikaj medioj.  iuj prelegantoj pri komunikado per tio ilustras, ke homoj havas diversajn vidpunktojn, kvankam tio ne estis la ĉefa intenco.

mi kopias kaj tradukas sen indiko de aŭtoro.  subskribo mankas kaj ĝi ŝajne iĝis ero de anonima folkloro.