papuoj en la kapo (ulipo 4)

la populareco de la multaj vortludoj, kiujn la literatura skolo ulipo iniciatis, naskis la radioprogramon „papuoj en la kapo“.  la titolo mem devis esti vortluda: „papuoj en la kapo“ sonas franclingve kiel „ne-pedikoj en la kapo“ (la ambasado de papuo-novgvineo ankoraŭ ne protestis).  ĝi estas elsendata ĉiudimanĉe en la ŝtata radio-kanalo „france culture“.

ĉiufoje partoprenas verkistoj, kinistoj, pentristoj, ĵurnalistoj aŭ aliaj anoj de la kultura mondo, de kiuj oni elpetas diversajn vorto-ĵonglaĵojn.  jen kelkaj el la ludoj:

• proskimumaj samsonaĵoj: la ludestro provizas frazeron.  ĉiu ludanto verku proksimume dekkvin-linian teskton, kiu komenciĝas per la frazero kaj finiĝas per alia, tre similsona vortgrupo.
• rakonto tra dek vortoj: la ludestro provizas dek vortojn, kiujn oni uzu en mallonga, proksimume dekkvin-linia teskto.
• rakonto gvidata: la ludestro petas sinsekvajn rakonterojn, ekzemple: 1e - komencu la rakonton per nigro kaj blanko, kun hezito, 2e - priskribu agadon ofte nigran, sed ĉi tie apud-akvan, 3e - priskribu per unu is-verbo kaj pluraj participoj fortan veter-aperaĵon, ktp.

la partoprenantoj rajtas je ĉiaj formoj, prozaj, versaj, dialogaj...  aŭskultantoj kaj ŝatantoj post-partoprenas en la forumoj de la retejo.  oni komparas, oni malobeas la regulojn, oni ŝercas, oni amuziĝas...

antaŭaj uliponotoj:

• la malapero
• 100000000000000 poemoj
• enkonduketo al ulipo