flanke de la kirka pordego videblas horizontalaj kaneletoj. apude oni gravuris datojn. la plej malnova diras latine "hic fuit sagona", tio estas "ĉi tie estis la rivero" kaj ĝin akompanas jarnumero 1602. ĝi iom pli altas ol mi. la plej supra altas pli ol dufoje kiel mi, kiam mi staras sur la antaŭporda plato, kaj ĝia numero estas 1840. entute kvin jaroj estas legeblaj: 1602, 1711, 1840, 1856, 1955. rimarkinde dum la antaŭaj kvar jarcentoj, la muro ekzistis kaj oni ne skribis pri inundo.
la vilaĝo apudas riveron, kiu transrandiĝas unu aŭ dufoje en ĉiu jarcento. la superakvoj ne danĝeras, ĉar pro malabrupta reliefo ili ŝveladas dum pluraj tagoj kaj poste malŝveladas same malrapide. parton de la vilaĝo tio tamen igas neloĝebla.
mi rimarkis similan signon sur la fasado de malnova domo.
Aucun commentaire:
Enregistrer un commentaire