2012-05-18

askiarto

antaŭ tre longa tempo homoj vestis sin per funelkrurumaj pantalonoj, junuloj ribeladis kontraŭ konsumismo kaj komputiloj havis ne-grafikajn ekranojn.  en tiu malproksima epoko oni desegnis sur komputilo sen muso, sen grafika tabulo kaj sen skanilo, per la askiaj signoj de la klavaro.
askia skatolo far lgb

per "o" oni faris la kapon de hometo.  en la suba linio per du streketoj ĉirkaŭ tubosigno "-|-" oni faris lian torson.  en la tria linio per oblikvo kaj kontraŭoblikvo "/\" oni faris liajn gambojn.

 o
-|-
 /\

nunaj mienetoj rilatas al iamaj grandaj aski-verkoj, kiel lumbrikoj rilatas al grandaj dinosaŭroj.

aski-arto havas siajn forgesitajn artistojn kaj siajn muzeajn retejojn, ekzemple chris.com/ascii.  kiam komputilaj bildoj ekaperis oni eĉ faris programojn por aŭtomate ŝanĝi ilin al aksiaĵoj.

drapirite en la mantelo de sia nostalgio, la ŝatantoj de tiu eksmodaĵo nun frontas en reciproka nekompreno junan generacion, kiu klakas per muso kaj parolas per vinjetoj.

aliaj bagatelaj artoj:

Aucun commentaire: